Mittwoch, 27. Januar 2016

Raunz-Kanal

Willkommen zum Raunz-Kanal, wo von Eiki aufgeschnappte Zitate unzensiert wiedergegeben werden.

Heute:

Die Winter Edition

Wie gehen Wienerinnen und Wiener mit diversen winterlichen Umständen um?


Wenn es im Winter kalt ist:
„Geh! So koid is! Do muasst eihaazen wia a Bleder.“
„Es is so koid, doss ma gor ned waaß, wos ma ollas oziagn soi!“
„Minusgrade braucht ka Sau!“
„Wonn’s so frisch is, valiert ma de Lust am Leben.“

Wenn es im Winter nicht kalt ist:
„Wos is’n des bitte für a Winter?“
„10 Grad im Winter – und i homma extra an neichn Wintermontel kauft. Des wor komplett unnedig...“
„De Deppaten mit der hinigen Klimaerwärmung san schuid, doss so worm is!“

Wenn in Geschäften oder den Öffis eingeheizt wird:
„Geh bitte! De heizen do ei, doss gonz aus is...“
„Do wern de Steuergelder wieda vahaazt.“
„Jeda Mensch hod a Jacken on. Warum muass ma do eihazen wia a Bleder?“

Wenn in Geschäften oder den Öffis nicht eingeheizt wird:
 „De sporen owa a am foischen Plotz.“
„Bei der Költn tatat ma si scho gfrein, wonns wenigstens in da Bim a bissl wärmer warad.“
„Herst, do is frisch herin! Hob i des notwendig?“

Wenn im Winter kein Schnee liegt:
„Des is jo ka echter Winter, bitte...“
„Schifohren konnst in Österreich a boid schmeißen, wonns weida kan Schnee hod.“
„Jetzt dan’s deppat streun, und donn schneit’s erst ned... Warum schneit’s ned?“
„Wir hom wenigstens ois Kinder no Schneemonn baut. Jetzt konnst des eh scho vagessen, schneit jo nimma.“
„Ohne Schnee is ka echter Winter. Und an unechten Winter braucht kaner. Hob i scho gfressen...“

Wenn im Winter Schnee liegt:
„Schnee in Wien braucht ma owa wirkli ned.“
„Jetzt fohren’s wieda olle wie de größten Trottln auf da Stroßen bei dem Schnee. Bin scho wieda froh, wonn er weg is.“
„Jetzt muass ma wieda de Wege räumen... den Schnee homma wieda braucht!“
„Jo, jetz is a no schee, der Schnee. Owa murgn is donn scho a widerlicher brauner Gatsch.“
„De (Anm. die Straßenkehrer) tan nix räumen... De Schneeberge türmen si und de fressen nur deppat Leberkaassemmel.“


© Eiki